Стыль, шрыфт, памер і колер

• Тлусты, курсіў, падкрэслены, закрэслены — кнопкі на панэлі або Ctrl+B, Ctrl+I, Ctrl+U. Калі вы вылучаеце тэкст, побач з ім з'яўляецца маленькая панэль з гэтымі ж кнопкамі.
• Падрадковы і надрадковы — для формул і адзінак накшталт м²: Ctrl+, і Ctrl+..
• Шрыфт — спіс шрыфтоў на панэлі. Як дадаць новыя — у артыкуле «Шрыфты».
• Памер — кнопкі «−» і «+» побач з лікам або выбар са спіса.
• Колер — палітра або свой колер праз «Выбраць свой колер».

На Mac замест Ctrl націскайце ⌘.

Выраўноўванне

• Па левым краі, па цэнтры, па правым краі, па шырыні — як у любым тэкставым рэдактары.
• Па краях — асаблівы варыянт: радок дзеліцца на дзве часткі, адна прыціскаецца ўлева, другая ўправа. Гэта зручна для подпісу: «Дырэктар» злева і «І. І. Іваноў» справа. Пастаўце курсор туды, дзе радок павінен падзяліцца, і выберыце «Па краях». Клавіша Tab пераводзіць курсор паміж часткамі.

Гарачыя клавішы: Ctrl+Alt+L, Ctrl+Alt+E, Ctrl+Alt+R, Ctrl+Alt+J і Ctrl+Alt+B для «Па краях».

Абзацы і спісы

Кнопка «Уласцівасці абзаца» на панэлі адкрывае налады:

• Інтэрвал — адлегласць паміж радкамі;
• Водступ — «чырвоны радок» у пачатку абзаца, таксама Ctrl+] і Ctrl+[;
• Прабел перад абзацам і Прабел пасля абзаца — паветра паміж абзацамі.

Спісы — «Фармат» → «Спіс»: нумараваны або маркіраваны, з выбарам выгляду маркера.

Цень і абводка

Каб надпіс лепш чытаўся на яркім фоне, дадайце яму цень або контур:

• Цень тэксту — зрух па гарызанталі і вертыкалі, размыццё і колер ценю;
• Абводка тэксту — таўшчыня і колер контуру вакол літар.

Абедзве налады ёсць у меню «Фармат» і на панэлі інструментаў.

Як прыбраць афармленне

Вылучыце тэкст і выберыце «Фармат» → «Ачысціць фарматаванне». Тэкст вернецца да звычайнага выгляду.